contacto@xarda.gal

Zeca 1972 Galiza

Que relación tece o Zeca Afonso con Galiza? Quen é máis aló Grândola? ‘Zeca 1972 Galiza’, unha produción de Nós Televisión coa colaboración de Xarda e a Associaçom José Afonso Galiza.

José Manuel Cerqueira Afonso dos Santos, máis coñecido por Zeca Afonso, fai parte da nosa historia. Este vínculo con Galiza non só se forxou a través dos seus concertos, ou das fortes amizades que mantivo no noso país, senón que se tratou dunha conexión  popular e nacional entre o Zeca e o pobo galego.

O 10 de maio de 1972 o Zeca tocou por vez primeira o Grândola no Burgo das Nacións, en Compostela. Ese ano está cheo de forza e de memoria no movemento obreiro galego tanto polo asasinato dos sindicalistas Amador Rey e Daniel Niebla cometido polo día 10 de marzo a mans da policía franquista como da forza da clase traballadora no reclamo de melloras sociais e laborais.